Myndir og skýrslur sem varpa ljósi á ómannúðlegt lögregluofbeldi gegn friðsömum mótmælendum í Hvíta-Rússlandi, bæði á götum úti og í varðhaldi, hafa verið í fréttum um allan heim.
Hundruð þúsunda einstaklinga vítt og breitt um Hvíta-Rússland mótmæla kosningasvindli, lögregluofbeldi og hörðum refsiaðgerðum gegn mótmælendum og fara fram á réttlátar kosningar.
Lögreglan hefur mætt mótmælendum af mikilli hörku. Á samfélagsmiðlum kemur fram að mótmælendur séu handteknir að geðþótta og lögregla noti höggsprengjur og vatnsdælur. Rannsakendur á vegum Amnesty International fundu tóm táragashylki og gúmmíkúlur notaðar af lögreglunni þar sem mótmæli höfðu átt sér stað. Mótmælendur og blaðamenn hafa slasast, verið lagðir inn á spítala og að minnsta kosti tveir hafa látið lífið. Þúsundir einstaklinga eru í haldi. Þeir sem hafa verið látnir lausir tala um hrikalegar pyndingar og illa meðferð.
Skrifaðu undir og krefstu þess að tjáningar- og fundarfrelsið sé virt og að þeir sem brjóti á mannréttindum verði dregnir til ábyrgðar.