Rússland
Listakonan Aleksandra Skochilenko var handtekin í Rússlandi þann 11. apríl og yfirheyrð til klukkan 03:00 um nóttina. Hún er sökuð um að hafa skipt út verðmiðum fyrir upplýsingar gegn stríðinu og slagorðum í stórmarkaði í Sankti Pétursborg þann 31. mars.
Hún var ákærð fyrir að „dreifa vísvitandi röngum upplýsingum um framgöngu rússneska hersins“ og sett í gæsluvarðhald til 1. júní. Aleksandra Skochilenko er með alvarlegan heilsufarsvanda og gæsluvarðhald þar sem hún fær ekki viðeigandi mataræði eða læknishjálp stofnar heilsu hennar í hættu. Hún á yfir höfði sér allt að tíu ára fangelsi verði hún fundin sek.
Aleksandra Skochilenko er lagasmiður og listakona, búsett í Sankti Pétursborg. Hún er sökuð um að hafa skipt út verðmiðum í matvöruverslun með upplýsingum sem beindist gegn stríðsátökum Rússlands, þar á meðal um einstaklinga sem féllu í skotárás Rússa á leikhúsið í Mariupol. Tveimur dögum eftir handtöku Aleksöndru úrskurðaði Vasileostrovsky-héraðsdómur hana í gæsluvarðhald til 1. júní 2022 (líklegt er að fresturinn verði framlengdur). Aleksandra Skochilenko er sökuð um „opinbera miðlun vísvitandi rangra upplýsinga um herafla Rússlands og valdbeitingu rússneska ríkisins“ samkvæmt nýlegri grein 207.3(2) almennra hegningarlaga. Hún á yfir höfði sér fimm til tíu ára fangelsi verði hún fundin sek.
Aleksandra Skochilenko er vel þekkt í listasamfélaginu; hún semur lög, býr til teiknimyndir og skipuleggur tónleika og tónlistarspunakvöld. Hún er einnig höfundur bókarinnar „Bók um þunglyndi” sem hefur hjálpað fjölda fólks og dregið úr skömm í umræðunni um geðsjúkdóma. Bókin hefur notið mikilla vinsælda. Hún hefur verið endurprentuð nokkrum sinnum og þýdd á ýmis tungumál. Auk þess hafa verið gerð fjölmörg myndbönd og settar upp sýningar út frá bókinni.
Aleksandra Skochilenko er með glútenóþol og þarfnast sérfæðis. Þann 20. apríl var greint frá því að heilsu hennar hefði hrakað vegna skorts á aðgengi að glútenlausum mat. Daginn eftir tilkynnti lögfræðingur hennar Amnesty International að fangelsið leyfði henni loksins að fá matarpakka frá fjölskyldu sinni með glúteinlausum mat en tveimur dögum síðar var hún flutt í annað fangelsi fram að réttarhöldum. Einn af lögfræðingum Aleksöndru heimsótti hana þann 25. apríl í fangelsinu og greindi í kjölfarið frá því að heilsu hennar hrakaði. Hún getur ekki borðað þar sem hún fær ekki það sérfæði sem hún þarfnast og hún hefur heldur ekki getað fengið mat frá fjölskyldu sinni. Henni finnst hún því oft vera veikburða.
Gríptu til aðgerða eins fljótt og auðið er, eða til 1. júní 2022.
Krefstu þess að rússnesk yfirvöldfelli niður ákærur gegn Aleksöndru Skochilenko og láti hana lausa án tafar. Verði á því einhverjar tafir þarf að tryggja að Aleksandra fái aðgang að sérfæði og þá læknisaðstoð sem hún þarfnast í samræmi við alþjóðlega staðla.
Þín undirskrift getur bjargað mannslífi
Maldíveyjar
Mohamed Rusthum Mujuthaba, 39 ára aðgerða- og friðarsinni, á yfir höfði sér fimm mánaða fangelsi fyrir guðlast. Hann var í haldi í meira en sex mánuði áður en hann fór fyrir dóm. Stjórnvöld verða að fella niður ákærur gegn honum. Skrifaðu undir ákall um að ákærur gegn Mohamed verði felldar niður strax.
Katar
Fyrir tilstuðlan farandverkafólks getur draumur Katar um að halda heimsmeistaramótið í fótbolta orðið að veruleika. FIFA ber skylda til að bregðast við og nota áhrif sín til að hvetja Katar til að vernda farandverkafólk. Þrátt fyrir að einhver árangur hefur náðst er enn langt í land. Krefjumst þess að FIFA gefi Katar rauða spjaldið fyrir misbeitingu farandsverkafólks!
Rússland
Listakonan Aleksandra Skochilenko var handtekin í Rússlandi og er sökuð um að hafa skipt út verðmiðum fyrir upplýsingar gegn stríðinu og slagorðum í stórmarkaði í Sankti Pétursborg. Hún var ákærð fyrir að „dreifa vísvitandi röngum upplýsingum um framgöngu rússneska hersins“ og á yfir höfði sér allt að tíu ára fangelsi verði hún fundin sek. Aleksandra Skochilenko er með alvarlegan heilsufarsvanda og gæsluvarðhald þar sem hún fær ekki viðeigandi mataræði eða læknishjálp stofnar heilsu hennar í hættu. Gríptu til aðgerða eins fljótt og auðið er, eða til 1. júní 2022.
Sádi-Arabía
Jaafar Mohammad Sultan og Sadeq Majeed Thamer eiga yfir höfði sér aftökur. Sérstaki sakamáladómstóllinn dæmdi þá til dauða í október 2021 eftir afar ósanngjörn réttarhöld vegna hryðjuverkatengdra ákæra, sem fela í sér smygl á sprengiefni til Sádí-Arabíu og þátttöku í mótmælum gegn stjórnvöldum í Barein. Í apríl 2022 staðfesti hæstiréttur dóminn og aftaka þeirra varð yfirvofandi um leið og konungur fullgildi hann. Amnesty International skorar á yfirvöld í Sádi-Arabíu að fullgilda ekki dauðadóminn, ógilda sakfellingu þeirra og veita þeim sanngjörn réttarhöld í samræmi við alþjóðleg lög.
Gambía
Gríptu til aðgerða og skrifaðu undir ákall um að öryggi mannréttindafrömuðarins Madi Jobarteh verði tryggt og að hann geti nýtt sér rétt sinn til tjáningar sem er staðfestur í stjórnarskrá Gambíu.
Pólland
Kvenréttindafrömuðurinn Justyna Wydrzyńska á yfir höfði sér þriggja ára fangelsisvist af þeirri ástæðu einni að hún styður rétt til öruggs þungunarrofs. Pólskum yfirvöldum ber að afglæpavæða þungunarrof og styðja frekar en refsa manneskjum sem leggja sig fram við að tryggja heilsu einstaklinga sem leita eftir þungunarrofi. Aðgangur að þungunarrofi er hluti af kyn- og frjósemisréttindum og aðilar sem veita konum, stúlkum og fólki slíka aðstoð eiga ekki að þurfa að lifa í ótta við ákærur. Skrifaðu undir ákallið og krefstu þess að pólsk yfirvöld dragi til baka ákærur á hendur kvenréttindafrömuðinum Justynu Wydrzyńska og afglæpavæði þungunarrof.
Hvíta-Rússland
Marfa Rabkova er baráttukona fyrir mannréttindum í Hvíta-Rússlandi og hefur unnið fyrir Viasna, hreyfingu sjálfboðaliða, sem er einn öflugasti mannréttindahópurinn í Hvíta-Rússlandi. Viasna fylgist með og skráir mannréttindabrot í landinu. Marfa var fyrst í þeirra hópi til að vera handtekin. Hún er ákærð fyrir að kynda undir hatri gagnvart lögreglu fyrir þátt sinn í að afhjúpa varðhald að geðþótta, pyndingar og aðra illa meðferð af hálfu yfirvalda gegn friðsömum mótmælendum. Það er ekki glæpur að skrásetja mannréttindabrot. Krefjumst þess að Marfa Rabkova verði leyst úr haldi strax.
Tæland
Stjórnvöld í Tælandi nýta kórónuveirufaraldurinn til að þagga enn frekar niður í ungum friðsömum mótmælendum. Fleiri en 600 ungmenni eiga yfir höfði sér langa fangelsisdóma fyrir það eitt að mótmæla friðsamlega þrátt fyrir að lögreglan hafi beitt óhóflegu valdi við að leysa upp mótmælin.
Bandaríkin
Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
