Færeyjar

Réttur til þungunarrofs ekki virtur

Alþjóða­dagur öruggs þung­un­ar­rofs er ár hvert 28. sept­ember. Á þeim degi er sjálfræði yfir eigin líkama fagnað og vakin athygli á því að réttur til þung­un­ar­rofs er víða takmark­aður.

Færeyjar eru eina þjóðin á Norð­ur­lönd­unum þar sem konur geta ekki tekið sjálf­stæða ákvörðun um þung­un­arrof. Færeysk þung­un­ar­rofslög eru með þeim ströngustu í Evrópu. Við krefj­umst þess að færeyskar stúlkur, konur og ólétt fólk fái að njóta rétt­arins til þung­un­ar­rofs.

Færeysk lög um þung­un­arrof eru frá árinu 1956 og veita aðeins heimild til þung­un­ar­rofs vegna nauðg­unar, sifja­spells, vangetu til að sjá um barn eða ef líf og heilsa fósturs eða barns­haf­andi mann­eskju er í hættu. Það er refsi­vert samkvæmt lögum að fram­kvæma þung­un­arrof ef þessi skil­yrði eru ekki uppfyllt. Einnig er refsi­vert ef stúlka, kona eða ólétt mann­eskja fram­kvæmir þung­un­ar­rofið sjálf. Læknir þarf að meta hvort að viðkom­andi uppfylli skil­yrði fyrir þung­un­arrof og senda beiðni til kven­lækn­inga­deildar í höfuð­borg­inni Þórs­höfn sem þarf einnig að veita samþykki.

Anna í Færeyjum var um þrítugt þegar hún varð ólétt. Hún taldi sig ekki færa um að ala upp barn vegna persónu­legra aðstæðna. Anna óskaði eftir þung­un­ar­rofi en uppfyllti ekki skil­yrði um þung­un­arrof samkvæmt færeyskum lögum.

„Samkvæmt áliti læknis uppfyllti beiðni mín ekki skil­yrði laganna. Ég bað lækninn um senda beiðnina aftur en hann vildi ekki gera það. Ég þurfti því að leita til einka­rek­inna spítala í Danmörku án stuðn­ings frá dönskum sjúkra­trygg­ingum.“

Saga Önnu endur­speglar reynslu margra. Ekki er vitað um nákvæmar tölur um fjölda en ár hvert sækja færeyskar konur sér þjón­ustu erlendis til að geta farið í þung­un­arrof. Þetta er kostn­að­ar­samt og streitu­vald­andi ferli.

„Ég fann nánast fyrir sömu sorg eins og að missa nákominn ástvin og það er óskilj­an­legt hvers vegna heim­urinn stendur ekki í stað. Það var ekki vegna þung­un­ar­rofsins, heldur vegna þess að læknir og færeysku lögin tóku ákvörðun um líkama minn og framtíð. Sorg­legast var að finna fyrir svo mikillli skömm út af þessu. Ég hélt ég væri upplýstari en svo að mér þyrfti að líða þannig. Það var ferlið hjá færeyska heil­brigðis­kerfinu sem gerði lítið úr mér og lét mig finna fyrir skömm.“

Amnesty Internati­onal gengur út frá því að allar mann­eskjur hafi sjálfræði yfir eigin líkama og frjó­semi, líka konur og mann­eskjur sem geta orðið barns­haf­andi. Með undir­skrift þinni þrýst­irðu á færeysk yfir­völd að virða réttinn til öruggs þung­un­ar­rofs.

Krefj­umst þess að félags­mála­ráð­herra Færeyja, Sólvit E. Nolsø, sem hefur vald til að breyta þung­un­ar­rofsslögum, uppfæri lögin svo færeyskar stúlkur, konur og ólétt fólk fái að njóta rétt­arins til þung­un­ar­rofs. 

Þau þurfa þína hjálp!

Þín undirskrift getur bjargað mannslífi

Íran

Hætta er á fleiri aftökum í tengslum við mótmæli

Að minnsta kosti tíu einstaklingar í Íran eiga yfir höfði sér aftöku í kjölfar dauðadóma í tengslum við mótmæli sem kennd voru við slagorðið „Kona, líf, frelsi“. Skrifaðu undir ákall um að írönsk stjórn­völd ógildi dauðadóma yfir friðsama mótmælendur og leysi úr haldi þá mótmæl­endur sem eru í haldi fyrir það eitt að tjá sig með frið­sam­legum hætti.

Bandaríkin

Hætta steðjar að umsækjendum um alþjóðlega vernd í Bandaríkjunum

Donald Trump, forseti Bandaríkjanna, hefur heitið því að hrinda í framkvæmd áform um brottvísanir sem beinast að milljónum innflytjenda og umsækjenda um alþjóðlega vernd. Bandarískum stjórnvöldum ber skylda samkvæmt alþjóðalögum að tryggja að lög þeirra, stefnur og verklag leiði ekki til aukinnar hættu á að brotið sé á mannréttindum innflytjenda og umsækjenda um alþjóðlega vernd. Skrifaðu undir ákall um að Trump forseti virði mannréttindi innflytjenda og umsækjenda um alþjóðlega vernd og hætti við þau áform um vísa fjölda fólks úr landi.

Ekvador

Binda þarf enda á notkun gasbruna í Amazon-skóginum

Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

ÞITT NAFN BJARGAR LÍFI

Þú ætlar að styðja og .

Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Skrifaðu undir og Íslandsdeild Amnesty International sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu