Dómstóll í Tyrklandi úrskurðaði nýlega að bann við viðburðum á vegum hinsegin samfélagsins í Ankara sem sett var á árið 2017 hafi verið ólöglegt. Afléttun bannsins er mikill sigur fyrir samtök hinsegin fólks í Tyrklandi sem hafa barist gegn banninu frá upphafi.
Nemendur í einum virtasta tækniháskóla Tyrklands Ankara’s Middle East Technical University (METU) eiga þó enn á hættu að þeim verði bannað að fagna fjölbreytileikanum í árlegri gleðigöngu skólans. Til stendur að halda gönguna þann 10. maí en það er undir rektor skólans, Mustafa Verşan Kök, komið að tryggja nemendum friðsamlega göngu.
„Fyrir okkur er gleðigangan eini dagurinn þar sem við getum komið saman og verið við sjálf á háskólasvæðinu. Við viljum bara fá að heiðra hinsegin samfélagið eins og jafnaldrar okkar fá að gera í öðrum löndum. Því biðlum við til ykkar að standa með okkur svo við getum haldið gleðigönguna í METU í ár“ – Melike Balkan, nemandi
Á síðasta ári gaf rektor skólans Mustafa Verşan Kök eftir og leyfði gönguna eftir mikinn þrýsting en hann hafði áður gefið út bann við slíkum viðburði á háskólasvæðinu. Dagurinn reyndist gleðilegur, friðsæll og litríkur.
Í ár þurfa nemendurnir aftur á stuðningi að halda. Réttur þeirra til að fagna fjölbreytileikanum með gleðigöngunni á ekki að vera tekinn af þeim með ólöglegum ákvörðunum ráðamanna.
Sýndu nemendum METU samstöðu í verki og skrifaðu undir ákallið núna. Þrýstu á að rektor styðji við gleðigöngu nemenda og tryggi að hún fari örugglega og friðsamlega fram.