Síerra Leóne
Í apríl 2015 fyrirskipuðu stjórnvöld í Síerra Leóne að þungaðar stúlkur mættu hvorki ganga í skóla né taka próf. Þetta voru viðbrögð stjórnvalda við gífurlegri fjölgun þungana unglingsstúlkna sem var ein hræðilegasta afleiðing ebólu-faraldursins sem herjaði á Afríku árin 2014-2015.
Góð frétt: Banninu var aflétt í lok mars 2020.
Tilkynnt var um tíu þúsund tilfelli þungana unglingsstúlkna þegar ebólu-faraldurinn reið yfir. Flestar voru afleiðing nauðgana. Í mörgum tilfellum var um að ræða stúlkur sem voru þvingaðar til samræðis við menn í skiptum fyrir mat eða vernd þar sem margar voru í viðkvæmri stöðu eftir foreldramissi vegna ebólu-veirunnar.
Frá því að skólabannið gegn þunguðum stúlkum var sett á hefur Amnesty International barist fyrir afléttingu þess þar sem um ræðir grófa mismunun og mannréttindabrot. Ekki er einungis brotið á réttinum til menntunar heldur einnig til friðhelgis einkalífs og virðingar.
Lesa má skýrslu Amnesty frá 2015 um málið hér
Þann 12. desember 2019 komst dómstóll Efnahagssambands Vestur-Afríku (ECOWAS) að þeirri niðurstöðu að bann stjórnvalda í Síerra Leóne gegn því að þungaðar stúlkur fengju aðgang að menntun í almennum skólum og að taka próf væri mannréttindabrot og mismunun. Dómstóllinn lýsti því yfir að aflétta þyrfti banninu án tafar þar sem það brjóti í bága við lög í Síerra Leóne, alþjóðalög og samþykktir, þar á meðal Barnasáttmála Sameinuðu þjóðanna.
Dómstóllinn nefndi einnig að það væri á ábyrgð ríkisins að tryggja að bæði kynin hefðu jöfn tækifæri til menntunar án aðgreiningar. Aðgreining þungaðra stúlkna í menntakerfinu útskúfi þeim og gæti litið út sem refsing fyrir þungun.
Skrifaðu undir málið núna! Krefstu þess að úrskurður dómstóls Efnahagssambands Vestur-Afríku verði virtur án tafar og að þungaðar stúlkur í Síerra Leóne fái óskertan aðgang að menntun strax!
Þín undirskrift getur bjargað mannslífi
Rússland
Dmitry Skurikhin er verslunareigandi og aðgerðarsinni sem afplánar 18 mánaða dóm á fanganýlendu í Rússlandi fyrir brot á ritskoðunarlögum um hernað. Skrifaðu undir og kallaðu eftir því að rússnesk stjórnvöld leysi Dmitry Skurikhin skilyrðislaust úr haldi án tafar.
Rússland
Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.
Kólumbía
Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
