Sádi-Arabía
Jaafar Mohammad Sultan og Sadeq Majeed Thamer eiga yfir höfði sér aftökur. Sérstaki sakamáladómstóllinn dæmdi þá til dauða í október 2021 eftir afar ósanngjörn réttarhöld vegna hryðjuverkatengdra ákæra, sem fela í sér smygl á sprengiefni til Sádí-Arabíu og þátttöku í mótmælum gegn stjórnvöldum í Barein. Í apríl 2022 staðfesti hæstiréttur dóminn og aftaka þeirra varð yfirvofandi um leið og konungur fullgildi hann.
Jaafar Mohammad Sultan og Sadiq Majeed Thamer voru báðir dæmdir til dauða að geðþótta.
Amnesty International skorar á yfirvöld í Sádi-Arabíu að fullgilda ekki dauðadóminn, ógilda sakfellingu þeirra og veita þeim sanngjörn réttarhöld í samræmi við alþjóðleg lög.
Þar sem skortur er á gagnsæi í réttarfari í Sádi-Arabíu, sérstaklega í dauðarefsingarmálum, frétta fjölskyldur aðeins um aftökur ástvina sinna í gegnum fjölmiðla.
Þann 13. mars 2022 greindi innanríkisráðuneyti Sádi-Arabíu frá fjöldaaftökum þar sem 81 einstaklingur var tekinn af lífi. Fólkið sem tekið var á lífi þennan dag hafði verið dæmt fyrir margs konar brot, þar á meðal glæpi sem tengdust „hryðjuverkum“, morð, vopnað rán og vopnasmygl. Einnig voru nokkrir þessara einstaklinga sakfelldir fyrir „röskun á samfélagsgerðinni og samheldni þjóðarinnar“ og „að taka þátt í og hvetja til setumótmæla og andófs“ sem er brot á tjáningarfrelsinu og réttinum til að koma saman með friðsömum hætti. Í hópnum var 41 sjía-múslími en það er minnihlutahópur í Sádí-Arabíu. Amnesty International hefur skrásett endurtekna mismunun gegn sjía-múslímum í Sádí-Arabíu sem hafa fengið harða dóma eftir ósanngjörn réttarhöld.
Snemma árs 2021 tilkynntu yfirvöld í Sádi-Arabíu breytingar í tengslum við dauðarefsingar, þar á meðal stöðvun á aftökum vegna vímuefnatengdra glæpa. Slíkir dauðadómar eru oft kveðnir upp að geðþótta dómarans. Þessi stöðvun virðist hafa verið innleidd en hefur hún enn ekki verið lögfest þar sem vímuefnalög kveða enn á um dauðarefsingu. Auk þess eru dauðadæmdir einstaklingar fyrir vímuefnabrot enn á dauðadeild.
Dauðarefsingin er grimm, ómannúðleg og niðurlægjandi refsing. Amnesty International er andvígt dauðarefsingum í öllum tilvikum án undantekninga, óháð því hver er ákærður og hver glæpurinn er.
Þín undirskrift getur bjargað mannslífi
Alþjóðlegt
Í áraraðir hafa stjórnvöld og tískufyrirtæki hagnast á slæmum starfsaðstæðum kvenna sem sauma fötin okkar. Brotið er kerfisbundið á mannréttindum verkafólks í fataiðnaði sem vinnur oft við hættulegar aðstæður, launin eru undir framfærsluviðmiði og ráðningarsamningar eru ótryggir. Laun sem duga ekki fyrir framfærslu þýðir að verkafólkið hefur ekki aðgang að nauðsynjum eins og mat, heilbrigðisþjónustu, hreinu vatni, menntun og öruggu húsnæði.
Ungverjaland
Géza Buzás-Hábel, sætir sakamálarannsókn fyrir það eitt að hafa skipulagt gleðigönguna í Pécs í Ungverjalandi sem fór fram 4. október síðastliðinn þrátt fyrir bann gegn gleðigöngunni. Amnesty International kallar eftir því að saksóknaraembættið loki tafarlaust rannsókn á málinu þar sem hún brýtur gegn réttinum til friðsamlegrar samkomu, tjáningarfrelsinu og banni gegn mismunun samkvæmt evrópskum og alþjóðlegum mannréttindalögum.
Georgía
Andro Chichinadze, 29 ára leikari frá Georgíu, var dæmdur í tveggja ára fangelsi 3. september 2025 eftir þátttöku í mótmælum í Tbilisi. Hann er vel þekktur í Georgíu og hefur hann gagnrýnt stjórnvöld opinberlega og verið virkur þátttakandi í mótmælum frá nóvember til desember 2024.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
