Einstæð móðir handtekin

Fangelsuð fyrir sín fyrstu mótmæli

Dorg­elesse Nguessan, sem er einstæð móðir og hársnyrtir í Kamerún, hefur lengi dreymt um að stofna og reka eigin snyrti­stofu. Fyrir tveimur árum var hún byrjuð að færa út kvíarnar í rekstri sínum á hárgreiðslu­stofu þegar draumar hennar urðu að engu.

Dorg­elesse var hand­tekin á mótmælum í Douala í Kamerún þann 22. septemter 2020. Þetta voru fyrstu mótmælin sem hún tók þátt í. Hún hafði ekki tekið þátt í aðgerð­a­starfi áður en áhyggjur hennar af stöðu efna­hags­mála í Kamerún urðu til þess að hún tók þátt í mótmæl­unum.

Þegar mótmælin, sem voru frið­samleg, hófust skutu örygg­is­sveitir gúmmí­kúlum og beindu tára­gasi og vatns­byssum að mótmæl­endum til að tvístra hópnum. Þegar Dorg­elesse flúði inn í húsa­sund ásamt fleiri mótmæl­endum elti lögreglan og hindraði för þeirra. Hún var hand­tekin og haldið í fanga­klefa, ásamt tuttugu og tveimur öðrum, við hræði­legar aðstæður.

Dorg­elesse var hinn 29. sept­ember 2020 flutt í Douala-fang­elsið þar sem hún er enn í haldi. Hún var ákærð fyrir „uppreisn, funda­höld og opinber mótmæli“ og rétt­ar­höld yfir henni fóru fram fyrir herrétti. Hún var dæmd í fimm ára fang­elsi hinn 7. desember 2021.

Dorg­elesse var eina fyrir­vinna fjöl­skyld­unnar. Átján ára sonur hennar er með sigð­korna­blóð­leysi sem veldur skorti á súrefn­is­upp­töku, tíðum sýkingum, sjón­vanda­málum og gífur­legum sárs­auka. Fjöl­skyldan berst í bökkum við að greiða fyrir lyfin hans. Dorg­elesse bíður örvænt­ing­ar­full eftir að sameinast fjöl­skyldu sinni á ný.

Krefstu þess að stjórn­völd í Kamerún leysi Dorg­elesse úr haldi strax í dag!

Þau þurfa þína hjálp!

Þín undirskrift getur bjargað mannslífi

Pólland

Sótt til saka fyrir að verja réttinn til þungunarrofs

Kvenréttindafrömuðurinn Justyna Wydrzyńska fann sig knúna til að aðstoða konu í ofbeldissambandi við þungunarrof. Slík aðstoð er refsiverð samkvæmt lögum í Póllandi. Justyna var sakfelld fyrir að aðstoða við þungunarrof. Dómurinn setur hættulegt fordæmi.

Bandaríkin

Á dauðadeild í þrjá áratugi þrátt fyrir gallaða málsmeðferð

Rocky Myers, svartur karlmaður með þroskahömlun, hefur setið í þrjá áratugi á dauðadeild í Alabama fyrir morð. Réttargæslan sem honum var úthlutað var ófullnægjandi og Rocky var sakfelldur í kjölfar vitnisburða sem litaðir voru af mótsögnum og meintum þrýstingi lögreglu.

Ástralía

„Við missum allt ef við missum eyjarnar okkar“

Pabai frændi og Paul frændi eru leiðtogar frumbyggjasamfélags í nyrsta hluta Ástralíu, á eyjunum í Torres-sundi. Nú eru heimkynni þeirra í hættu vegna loftslagsbreytinga. Verði ekki gripið til aðgerða strax neyðjast eyjabúar í Torres-sundi að flýja heimaslóðir sínar.

Túnis

Á yfir höfði sér fangelsi fyrir að láta í sér heyra

Á þeim tveimur árum sem liðin eru frá því að forseti landsins, Kais Saied, tók öll völd í Túnis hafa mannréttindi verið fótum troðin, ráðist hefur verið gegn tjáningarfrelsinu og sjálfstæði dómstóla skert. Chaima Issa gagnrýndi aðgerðir forsetans og var sett í varðhald í kjölfarið. Hún á yfir höfði sér áratugalangt fangelsi.

Sameinuðu arabísku furstadæmin

Dæmdur í 10 ára fangelsi fyrir að tjá sig

Ahmed Mansoor vakti reglulega máls á varðhaldi, pyndingum og óréttlátum réttarhöldum yfir einstaklingum sem gagnrýndu stjórnvöld í Sameinuðu arabísku furstadæmunum. Nú er hann einn af gagnrýnendum stjórnvalda sem sitja í fangelsi.

Brasilía

Barátta móður fyrir réttlæti

Pedro Henrique var aðgerðasinni og talsmaður kynþáttaréttlætis og mannréttinda. Pedro var 31 árs þegar hann var skotinn til bana af hettuklæddum mönnum í desember 2018. Lögreglumennirnir sem grunaðir eru um morðið eru enn starfandi og réttarhöld eru ekki enn hafin. Ana Maria, móðir hans, berst fyrir réttlæti.

Suður-Afríka

Hótað fyrir að verja samfélag sitt

Thapelo Mohapi leiðir grasrótarhreyfinguna AbM sem vinnur að efnahagslegum umbótum í lífi fólks í Suður-Afríku og hefur talað gegn spillingu á svæðinu. Frá árinu 2021 hefur hann neyðst til að vera í felum vegna líflátshótana. Árið 2022 voru þrír meðlimir hreyfingarinnar myrtir.

Kirgistan

Í stofufangelsi fyrir mótmæli

Rita Karasartova er baráttukona fyrir mannréttindum í Kirgistan. Hún var mótfallin samkomulagi um landamæri sem veitir Úsbekistan stjórn yfir ferskvatnssvæðum. Núna er hún í stofufangelsi og sætir ströngu útgöngubanni. Hún á yfir höfði sér 15 ára fangelsisvist.

Mjanmar

Kallað eftir skaðabótum frá Facebook

Maung Sawyeddollah var15 ára þegar hann flúði þjóðernishreinsanir á Róhingjum. Hatursorðræða þar sem hvatt var með beinum hætti til ofbeldis gegn Róhingjum fékk víðtæka dreifingu á Facebook. Hann krefur nú samfélagsmiðilinn um skaðabætur.

Esvatíní

Myrtur fyrir að tala máli sannleikans

Thulani Maseko helgaði líf sitt fólkinu í Esvatíní, konungsríki þar sem konungsfjölskyldan er einráð og auðug en 60% íbúa lifa undir fátæktarmörkum. Hann gagnrýndi opinberlega kúgandi lög í landinu og ríkisofbeldi. Hann var skotinn til bana fyrir framan konu sína þann 21. janúar 2023.