Berst fyrir tjáningarfrelsi

Listamaður í fangelsi fyrir að verja tjáningarfrelsið

Luis Manuel Otero Alcántara er sjálflærður lista­maður á Kúbu. Hann hefur unun af því að mála og dansa. Heimili hans í San Isidro, sem er eitt fátæk­asta hverfi Havana, er athvarf fyrir fólk í nærsam­fé­laginu til að hittast og tengjast.

Tilskipun 349 er löggjöf sem ætlað er að þagga niður í gagn­rýnu lista­fólki á Kúbu. Óánægja Luis Manuels með löggjöfina varð til þess að hann gerðist leið­togi San Isidro-hreyf­ing­ar­innar en hún saman­stendur af fjöl­breyttum hópi lista- og fjöl­miðla­fólks, auk aðgerða­sinna sem berjast fyrir tján­ing­ar­frelsinu. Meðlimir hópsins hafa sætt ógnunum, eftir­liti og varð­haldsvist.

Örygg­is­sveit­ar­menn á vegum ríkisins færðu Luis Manuel af heimili sínu 2. maí 2021 þar sem hann hafði verið í hung­ur­verk­falli til að mótmæla eign­ar­námi yfir­valda á lista­verkum sínum. Hann var færður á spítala í Havana þar sem menn á vegum örygg­is­sveita ríkisins vöktuðu hann og heim­sóknir nánustu fjöl­skyldu voru mjög takmark­aðar. Luis Manuel fékk ekki að nota síma og var bannað að eiga samskipti við umheiminn. Þegar honum var sleppt, mánuði síðar, héldu örygg­is­sveitir enn áfram að fylgjast með hverri hreyf­ingu hans.

Luis Manuel birti mynd­band á netinu hinn 11. júlí 2021 þar sem hann kvaðst ætla að taka þátt í einni stærstu kröfu­göngu sem fram hefur farið á Kúbu í áratugi þar sem fólk mótmælti stöðu efna­hags­mála í landinu, lyfja­skorti og viðbrögðum stjórn­valda við kórónu­veirufar­aldr­inum. Luis Manuel var hand­tekinn áður en mótmælin fóru fram og færður í hámarks­ör­ygg­is­fang­elsið Guanajay þar sem hann situr enn á bak við lás og slá. Hann var dæmdur í fimm ára fang­elsi í lokuðum rétt­ar­höldum í júní 2022.  Heilsu hans hrakar stöðugt og honum er ekki veitt tilhlýðileg lækn­is­að­stoð í fang­elsinu.

Krefstu þess að stjórn­völd á Kúbu leysi Luis Manuel tafar­laust úr haldi.

 

Þau þurfa þína hjálp!

Þín undirskrift getur bjargað mannslífi

Pólland

Sótt til saka fyrir að verja réttinn til þungunarrofs

Kvenréttindafrömuðurinn Justyna Wydrzyńska fann sig knúna til að aðstoða konu í ofbeldissambandi við þungunarrof. Slík aðstoð er refsiverð samkvæmt lögum í Póllandi. Justyna var sakfelld í kjölfarið sem setur hættulegt fordæmi.

Bandaríkin

Á dauðadeild í þrjá áratugi þrátt fyrir gallaða málsmeðferð

Rocky Myers, svartur karlmaður með þroskahömlun, hefur setið í þrjá áratugi á dauðadeild í Alabama fyrir morð. Réttargæslan sem honum var úthlutað var ófullnægjandi og Rocky var sakfelldur í kjölfar vitnisburða sem litaðir voru af mótsögnum og meintum þrýstingi lögreglu.

Ástralía

„Við missum allt ef við missum eyjarnar okkar“

Pabai frændi og Paul frændi búa á eyjunum í Torres-sundi, nyrsta hluta Ástralíu, en forfeður þeirra hafa búið þar í þúsundir ára. Nú eru lífshættir þeirra og djúp tenging við landið, sjóinn og himinblámann í hættu vegna loftslagsbreytinga.

Túnis

Á yfir höfði sér fangelsi fyrir að láta í sér heyra

Á þeim tveimur árum sem liðin eru frá því að forseti landsins, Kais Saied, tók öll völd í Túnis hafa mannréttindi verið fótum troðin, dómstóla skort sjálfstæði og ráðist hefur verið gegn tjáningarfrelsinu. Chaima Issa gagnrýndi aðgerðir forsetans og var sett í varðhald í kjölfarið. Hún á yfir höfði sér áratugalangt fangelsi.

Sameinuðu arabísku furstadæmin

Dæmdur í 10 ára fangelsi fyrir að tjá sig

Ahmed vakti reglulega máls á varðhaldi, pyndingum og óréttlátum réttarhöldum yfir einstaklingum sem gagnrýndu stjórnvöld í Sameinuðu arabísku furstadæmunum. Nú er hann einn af gagnrýnendum stjórnvalda sem sitja í fangelsi.

Brasilía

Barátta móður fyrir réttlæti

Pedro Henrique var aðgerðasinni og talsmaður kynþáttaréttlætis og mannréttinda. Hann var skotinn til bana af hettuklæddum mönnum í desember 2018, 31 árs að aldri. Lögreglumennirnir sem grunaðir eru um morðið eru enn starfandi og réttarhöld eru ekki enn hafin. Ana Maria, móðir hans, berst fyrir réttlæti.

Suður-Afríka

Hótað fyrir að verja samfélag sitt

Thapelo Mohapi leiðir grasrótarhreyfingu sem vinnur að efnahagslegum umbótum í lífi fólks í Suður-Afríku og berst gegn lögregluofbeldi. Frá árinu 2021 hefur hann verið í felum vegna líflátshótana. Árið 2022 voru þrír meðlimir hreyfingarinnar myrtir.

Kirgistan

Í stofufangelsi fyrir mótmæli

Rita Karasartova er baráttukona fyrir mannréttindum í Kirgistan. Hún var mótfallin samkomulagi um landamæri sem veitir Úsbekistan stjórn yfir ferskvatnssvæðum. Núna er hún í stofufangelsi og sætir ströngu útgöngubanni. Hún á yfir höfði sér 15 ára fangelsisvist.

Mjanmar

Kallað eftir skaðabótum frá Facebook

Maung Sawyeddollah, 15 ára, flúði þegar þjóðernishreinsanir á Róhingjum hófust. Hatursorðræða þar sem hvatt var með beinum hætti til ofbeldis gegn Róhingjum fékk víðtæka dreifingu á Facebook. Hann krefur nú samfélagsmiðilinn um skaðabætur.

Esvatíní

Myrtur fyrir að tala máli sannleikans

Thulani Maseko helgaði líf sitt fólkinu í Esvatíní, konungsríki þar sem konungsfjölskyldan er einráð og auðug en 60% íbúa lifa undir fátæktarmörkum. Hann gagnrýndi opinberlega kúgandi lög í landinu og ríkisofbeldi. Hann var skotinn til bana fyrir framan konu sína þann 21. janúar 2023.