Wendy Galarza hefur lagt sig alla fram í starfi sínu með börnum. Það er ástríða hennar að starfa með yngstu börn­unum þar sem hún telur að grunn­urinn að rétt­látara samfé­lagi byggðu á samkennd byrji með stuðn­ingi við þau.

Hún hefur unnið hörðum höndum að því að byggja upp rétt­látara samfélag í Mexíkó en þar í landi sæta konur oft árásum, eru niður­lægðar og myrtar fyrir það eitt að vera konur. Hún, sem femín­isti og aðgerðasinni, þekkir það af eigin raun þar sem hún týndi næstum lífi við að fordæma slíkt ofbeldi.

Wendy tók hinn 9. nóvember 2020 þátt í kröfu­göngu sem var skipu­lögð af hópi femín­ista í Cancún til að krefjast rétt­lætis fyrir konu sem var myrt og er þekkt sem Alexis.

Þegar hópur mótmæl­enda hóf að toga niður og brenna viðar­tálma skaut lögreglan skotum upp í loft, en að sögn sumra skaut hún í átt að mann­fjöld­anum. Wendy áttaði sig síðan á því að hún væri með skotsár á fótlegg sínum og sköpum.

Tveimur dögum seinna lagði hún fram form­lega kvörtun gegn lögregl­unni. Það tók marga mánuði fyrir ríkis­sak­sóknara að samþykkja sönn­un­ar­gögn frá henni, til að mynda klæðnað hennar frá þessum degi sem var með ummerki eftir skot. Mál hennar er enn í gangi. Þeir sem grun­aðir eru um að hafa staðið að skotárás­inni hafa ekki enn sætt ábyrgð.

Wendy hefur ekki látið þetta mál stöðva sig og hefur safnað saman hópi kvenna sem sættu árásum á mótmæl­unum.

Krefstu rétt­lætis í máli Wendy.