Mótmælti á Facebook

Umhverfisverndarsinni á yfir höfði sér fangelsisdóm

Shahnewaz Chowd­hury er mikill áhuga­maður um krikket og hefur æft það frá unga aldri. Hann hefur einnig unun af skrifum og hefur notað hið ritaða mál til að tjá sig um þá baráttu sem íbúar heyja á svæðinu Bans­hk­hali í Suðaustur-Bangla­dess en það liggur lágt yfir sjáv­ar­máli sem gerir það viðkvæmt fyrir áhrifum lofts­lags­breyt­inga.

Hann var aðeins sex ára þegar hann varð vitni að því þegar fjöldi fólks missti ástvini sína og heimili í fellibyl og flóð­bylgju þann 29. apríl 1991. „Ég missti marga leik­fé­laga sem ég lék mér við daginn áður en felli­byl­urinn fór yfir. Ég verð ennþá lamaður af sorg þegar ég hugsa um þessa daga,“ segir Shahnewaz.

Nýtt kola­knúið orkuver í þorpi Shahnewaz átti að skapa þátta­skil í fram­þróun svæð­isins. Shahnewaz hafði hins vegar áhyggjur af þeim skað­legu umhverf­isáhrifum sem orku­verið kynni að hafa.

Þann 26. maí 2021 geisaði stormur á svæðinu. Sterkir vindar og mikið vatns­veður buldi á þorpinu. Heimili eyði­lögðust. Shahnewaz óttaðist þau eyði­leggj­andi umverf­isáhrif sem orkuver af þessu tagi hefðu á umhverfið og taldi að þau ættu þátt í hækkun sjáv­ar­borðs. Hann ákvað að tjá áhyggjur sínar á Face­book.

Shahnewaz hvatti ungt fólk til að láta í sér heyra og skrifaði: „Ungt fólk í Bans­hk­hali verður að berjast gegn órétt­læti og styðja fram­þróun með ótta­lausum skrifum.“

Næsta dag hóf fyrir­tækið málsókn gegn Shahnewaz og sakaði hann um að birta falskar upplýs­ingar. Hann var hand­tekinn af lögreglu þann 28. maí 2021 á grund­velli harð­neskju­legrar löggjafar í Bangla­dess um staf­rænt öryggi fyrir umrædda face­book-færslu. Honum var haldið föngnum án rétt­ar­halda við ómann­úð­legar aðstæður í áttatíu daga. Shahnewaz var leystur úr varð­haldi gegn trygg­ingu þann 16. ágúst 2021 en verði hann fundinn sekur á hann yfir höfði sér margra ára fanga­vist.

Krefstu þess að stjórn­völd í Bangla­dess felli niður ákærur.

Þau þurfa þína hjálp!

Þín undirskrift getur bjargað mannslífi

Pólland

Sótt til saka fyrir að verja réttinn til þungunarrofs

Kvenréttindafrömuðurinn Justyna Wydrzyńska fann sig knúna til að aðstoða konu í ofbeldissambandi við þungunarrof. Slík aðstoð er refsiverð samkvæmt lögum í Póllandi. Justyna var sakfelld í kjölfarið sem setur hættulegt fordæmi.

Bandaríkin

Á dauðadeild í þrjá áratugi þrátt fyrir gallaða málsmeðferð

Rocky Myers, svartur karlmaður með þroskahömlun, hefur setið í þrjá áratugi á dauðadeild í Alabama fyrir morð. Réttargæslan sem honum var úthlutað var ófullnægjandi og Rocky var sakfelldur í kjölfar vitnisburða sem litaðir voru af mótsögnum og meintum þrýstingi lögreglu.

Ástralía

„Við missum allt ef við missum eyjarnar okkar“

Pabai frændi og Paul frændi búa á eyjunum í Torres-sundi, nyrsta hluta Ástralíu, en forfeður þeirra hafa búið þar í þúsundir ára. Nú eru lífshættir þeirra og djúp tenging við landið, sjóinn og himinblámann í hættu vegna loftslagsbreytinga.

Túnis

Á yfir höfði sér fangelsi fyrir að láta í sér heyra

Á þeim tveimur árum sem liðin eru frá því að forseti landsins, Kais Saied, tók öll völd í Túnis hafa mannréttindi verið fótum troðin, dómstóla skort sjálfstæði og ráðist hefur verið gegn tjáningarfrelsinu. Chaima Issa gagnrýndi aðgerðir forsetans og var sett í varðhald í kjölfarið. Hún á yfir höfði sér áratugalangt fangelsi.

Sameinuðu arabísku furstadæmin

Dæmdur í 10 ára fangelsi fyrir að tjá sig

Ahmed vakti reglulega máls á varðhaldi, pyndingum og óréttlátum réttarhöldum yfir einstaklingum sem gagnrýndu stjórnvöld í Sameinuðu arabísku furstadæmunum. Nú er hann einn af gagnrýnendum stjórnvalda sem sitja í fangelsi.

Brasilía

Barátta móður fyrir réttlæti

Pedro Henrique var aðgerðasinni og talsmaður kynþáttaréttlætis og mannréttinda. Hann var skotinn til bana af hettuklæddum mönnum í desember 2018, 31 árs að aldri. Lögreglumennirnir sem grunaðir eru um morðið eru enn starfandi og réttarhöld eru ekki enn hafin. Ana Maria, móðir hans, berst fyrir réttlæti.

Suður-Afríka

Hótað fyrir að verja samfélag sitt

Thapelo Mohapi leiðir grasrótarhreyfingu sem vinnur að efnahagslegum umbótum í lífi fólks í Suður-Afríku og berst gegn lögregluofbeldi. Frá árinu 2021 hefur hann verið í felum vegna líflátshótana. Árið 2022 voru þrír meðlimir hreyfingarinnar myrtir.

Kirgistan

Í stofufangelsi fyrir mótmæli

Rita Karasartova er baráttukona fyrir mannréttindum í Kirgistan. Hún var mótfallin samkomulagi um landamæri sem veitir Úsbekistan stjórn yfir ferskvatnssvæðum. Núna er hún í stofufangelsi og sætir ströngu útgöngubanni. Hún á yfir höfði sér 15 ára fangelsisvist.

Mjanmar

Kallað eftir skaðabótum frá Facebook

Maung Sawyeddollah, 15 ára, flúði þegar þjóðernishreinsanir á Róhingjum hófust. Hatursorðræða þar sem hvatt var með beinum hætti til ofbeldis gegn Róhingjum fékk víðtæka dreifingu á Facebook. Hann krefur nú samfélagsmiðilinn um skaðabætur.

Esvatíní

Myrtur fyrir að tala máli sannleikans

Thulani Maseko helgaði líf sitt fólkinu í Esvatíní, konungsríki þar sem konungsfjölskyldan er einráð og auðug en 60% íbúa lifa undir fátæktarmörkum. Hann gagnrýndi opinberlega kúgandi lög í landinu og ríkisofbeldi. Hann var skotinn til bana fyrir framan konu sína þann 21. janúar 2023.