Alþjóðlegt

Þrýstum á að settar verði alþjóðlegar reglur um viðskipti með löggæsluvopn

Samfé­lags­legar umbætur eru mögu­legar þegar fólk kemur saman og krefst breyt­inga. Fólk á ekki að hljóta skaða af, meiðast eða jafnvel láta lífið vegna misbeit­ingar lögreglu á skaða­minni vopnum við frið­samleg mótmæli. Skrifaðu undir ákall um að íslensk yfir­völd styðji gerð alþjóð­legs samn­ings þar sem settar eru reglur um viðskipti með vopn í löggæslu til að koma í veg fyrir misbeit­ingu þeirra.

Víðs vegar um heiminn mæta frið­samir mótmæl­endur kúgun lögreglu og hersveita í þeim tilgangi að þagga niður í gagn­rýn­is­röddum. Þó að skaða­minni vopn á borð við táragas, gúmmí­kúlur, piparúða, og lögreglukylfur séu talin öruggari valkostur en skot­vopn, er alltof algengt að þeim sé beitt til að ógna, áreita, refsa, og sundra mótmæl­endum. Slíkar aðgerðir grafa undan rétti þeirra til að mótmæla frið­sam­lega.

Sögur þolenda eru fjöl­margar. Leidy Cadena, 24 ára gömul, missti sjón á hægra auga á mótmælum þegar full­trúi úr sérsveit kólumb­ískrar óeirð­ar­lög­reglu miðaði gúmmí­skoti beint að henni og skaut. Sama henti Payu Boon­sophon, 28 ára, í Tælandi. Í Frakklandi lést hin áttræða Zineb Redouane í kjölfar áverka af tára­gassprengju sem lögregla skaut á mótmælum og hæfði hana í höfuðið. Mál þessara þriggja einstak­linga eru eru ekki eins­dæmi og fleiri munu hljóta skaða á meðan skil­virkt og mann­rétt­inda­miðað eftirlit með löggæslu­vopnum er ekki til staðar.

Það er mikil­vægt að ríki heims samþykki ályktun Sameinuðu þjóðana um gerð alþjóð­legs samn­ings sem kemur böndum á viðskipti með vopn í löggæslu.

Samein­umst um að vernda mótmæl­endur og rétt þeirra til að mótmæla frið­sam­lega. Án breyt­inga fjölgar þeim einstak­lingum sem hljóta alvar­lega áverka eða láta lífið vegna misbeit­ingar lögreglu á skaða­minni vopnum.

Skrifaðu undir ákallið og krefstu þess að íslensk stjórn­völd styðji við gerð alþjóð­legs samn­ings þar sem settar eru reglur um viðskipti með vopn í löggæslu.

Tengt efni

Þau þurfa þína hjálp!

Þín undirskrift getur bjargað mannslífi

Esvatíní

Esvatíní: Leysa þarf fyrrum þingmenn úr haldi

Bacede Mabuza og Mthandeni Dube, fyrrum þingmenn og baráttumenn fyrir lýðræði, eru samviskufangar í Esvatíní. Þeir voru handteknir 25. júlí 2021 fyrir að tjá sig um kúgun ríkisvaldsins og kalla eftir úrbótum á stjórnarskránni. Þeir hlutu 85 ára og 58 ára dóm á grundvelli kúgandi laga gegn hryðjuverkum og uppreisnaráróðri.

Georgía

Leikari í fangelsi í kjölfar ósanngjarnra réttarhalda

Andro Chichinadze, 29 ára leikari frá Georgíu, var dæmdur í tveggja ára fangelsi 3. september 2025 eftir þátttöku í mótmælum í Tbilisi. Hann er vel þekktur í Georgíu og hefur hann gagnrýnt stjórnvöld opinberlega og verið virkur þátttakandi í mótmælum frá nóvember til desember 2024.

Bretland

Bretland: Fella þarf niður ákærur á hendur friðsömum mótmælendum 

Friðsamir mótmælendur voru handteknir á Bretlandi fyrir að mótmæla banni við Palestine Action-aðgerðahópnum sem tók gildi 5. júlí 2025. Í ágúst voru rúmlega 700 mótmælendur handteknir í London og víðar um Bretland. Til viðbótar voru 857 mótmælendur handteknir í London á einum degi, þann 6. september.

Ísrael

Leysa þarf palestínskan lækni úr haldi

Palestínski læknirinn Hussam Abu Safiya er framkvæmdastjóri Kamal Adwan-spítalans og hefur tjáð sig um hrun heilbrigðiskerfisins á Gaza. Hann var handtekinn að geðþótta af ísraelskum yfirvöldum 27. desember 2024 og hefur verið í haldi síðan þá.

Fílabeinsströndin

Upplýsingafulltrúi stéttarfélags fær tveggja ára fangelsisdóm

Hettuklæddir menn handtóku Ghislain Duggary Assy, upplýsingafulltrúa stéttarfélags kennara, í kjölfar þess að bandalag stéttarfélaga kennara blés til verkfalls á Fílabeinsströndinni. Ghislain fékk tveggja ára fangelsisdóm. Skrifaðu undir ákall um að Ghislain Duggary Assy verði leystur úr haldi, tafarlaust og án skilyrða.

Rússland

Stríðsglæpum gegn Úkraínubúum í haldi verður að linna

Í Rússlandi eru þúsundir úkraínskra hermanna og óbreyttra borgara í haldi. Fjölskyldur stríðsfanganna fá engar upplýsingar og ná ekki sambandi við fjölskyldumeðlimi sem eru í haldi. Þær leita örvæntingafull upplýsinga um ástvini sína og fjölskyldumeðlimi. Margir fangar njóta ekki grundvallarréttinda svo sem að eiga í samskiptum við ástvini og fjölskyldur og verða fyrir ómannúðlegri meðferð eins og pyndingum, kynferðisofbeldi og er synjað um heilbrigðisþjónustu á sama tíma og heilsu þeirra hrakar. Þessi meðferð fanga telst til stríðsglæpa og glæpa gegn mannúð. Skrifaðu undir ákall um að rússnesk yfirvöld bindi enda á þessa stríðsglæpi og glæpi gegn mannúð.

Haítí

Vernd fyrir börn gegn glæpagengjum á Haítí

Síaukið ofbeldi glæpagengja á Haítí bitnar verst á haítískum börnum. Þau eru svipt öruggu rými til að leika sér og læra og eru neydd til að alast upp í umhverfi þar sem ótti og óvissa ráða ríkjum. Vegna áskorana hjá haítískum yfirvöldum og aðgerðaleysis alþjóðasamfélagsins hefur neyðin aukist og skapað vítahring ofbeldis og vanrækslu. Skrifaðu undir ákall til haítískra yfirvalda og krefstu verndar fyrir börn á Haítí.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

ÞITT NAFN BJARGAR LÍFI

Þú ætlar að styðja og .

Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Skrifaðu undir og Íslandsdeild Amnesty International sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu