Madagaskar
Krefjumst þess að mannréttinda sé gætt í baráttunni við loftslagsvána í Madagaskar
Fólkið í Madagaskar þarfnast verndar vegna afleiðinga loftslagsbreytinga sem birtast nú sem miklir þurrkar þar í landi.
Madagaskar er á meðal þeirra landa sem eru hvað allra viðkvæmust fyrir loftslagsvánni. Nú vara verstu þurrkar í manna minnum á suðurhluta eyjunnar. Hungur og vannæring eykst og fleiri en 1 milljón einstaklinga eru nú á barmi hungursneyðar þar í landi. Einnig hefur aðgangur að hreinu vatni og hreinlæti minnkað.
Ástandið í Madagaskar sýnir að loftslagsvá hefur nú þegar valdið miklum þjáningum og dauðsföllum. Loftslagsbreytingarnar skerða getu einstaklinga til að njóta mannréttinda. Réttur þeirra til lífs, heilsu og heilnæms umhverfis er skertur.
Amnesty International hvetur alþjóðasamfélagið til að grípa strax til aðgerða og vernda fólk í löndum eins og Madagaskar sem eru nú þegar að finna fyrir afleiðingum loftslagsbreytinga.
Krefjumst þess að leiðtogar heims, sérstaklega þeirra ríkja sem bera mesta ábyrgð á loftslagsbreytingum og stjórnvöld í Madagaskar grípi til aðgerða og verndi réttindi einstaklinga í Madagaskar.
Nánar um ástandið í Madagaskar má lesa hér.
Tengt efni
Þau þurfa þína hjálp!
Þín undirskrift getur bjargað mannslífi
Tæland
Krefjumst réttlætis fyrir friðsama mótmælendur í Tælandi
Stjórnvöld í Tælandi nýta kórónuveirufaraldurinn til að þagga enn frekar niður í ungum friðsömum mótmælendum. Fleiri en 600 ungmenni eiga yfir höfði sér langa fangelsisdóma fyrir það eitt að mótmæla friðsamlega þrátt fyrir að lögreglan hafi beitt óhóflegu valdi við að leysa upp mótmælin.
Bangladess
Aðför stjórnvalda að tjáningarfrelsi á netinu
Yfir þúsund einstaklingar hafa verið handteknir í Bangladess frá árinu 2018 á grundvelli laga um stafrænt öryggi (DSA, Digital Security ACT) fyrir að nýta rétt sinn til tjáningar á netinu. Bregstu við og krefstu þess að forsætisráðherra Bangladess, Sheikh Hasina, felli lögin úr gildi eða endurbæti í samræmi við alþjóðalög þau ákvæði sem eru notuð til að þagga niður í gagnrýnisröddum.
Angóla
Hirðingjasamfélög í hættu
Nú varir einn versti þurrkur síðastliðin 40 ár í suðurhluta Angóla. Afleiðingarnar eru ógnvænlegar þar sem heilsa og mataröryggi hirðingjasamfélaga á svæðinu eru í verulegri hættu. Vannæring hefur aukist til muna og aðgangur að vatni og hreinlætisaðstöðu er ótryggður.
Alþjóðlegt
Ríki hætti ólögmætri notkun á njósnabúnaði
Í löndum víðsvegar um heiminn reiða yfirvöld sig sífellt meira á stafrænt eftirlit í þeim tilgangi að áreita eða handtaka einstaklinga sem tjá sig til varnar mannréttindum eða afhjúpa viðkvæmar upplýsingar. Aukning er á stafrænum árásum gegn mannréttindasinnum, fjölmiðlafólki og almennum borgurum. Njósnum, hótunum og þöggun er beitt með því að brjótast inn í stafræn tæki einstaklinga. Þessari aðför verður að linna. Með undirskrift þinni þrýstir þú á stjórnvöldá heimsvísu að bregðast við kröfum um að vernda mannréttindasinna um heim allan.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
- Þú færð send 3 áköll í mánuði
- Þú greiðir 199 kr. fyrir hvert sms móttekið
- Skrifaðu undir ákallið með því að svara skilaboðunum AKALL í 1900
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Engar aðrar persónuupplýsingar en nafn þitt munu fylgja bréfinu á viðkomandi stjórnvöld.